શબ્દ-રમત

         અંગ્રેજીમાં શબ્દોના અક્ષરોની રમૂજી પુનઃ ગોઠવણી દર્શાવતા એક ઇમેઇલ પરથી એવો વિચાર સ્ફૂર્યો કે ગુજરાતીમાં પણ આવું કાંઇ થાય કે કેમ. અંગ્રેજીમાં આ બહુ સરળ છે કારણકે સ્વર અને વ્યંજન અલગ અલગ હોય છે અને 26 થી વધારે અક્ષર હોતા નથી. આપણી ભાષામાં બાવન મૂળાક્ષરો,  તે બધાની બારાખડીઓ અને સંયુક્ત અક્ષરો આ બધું ગણીએ તો અક્ષરોના એટલા બધા સંયોજનો થાય છે કે, આવો પ્રયત્ન બહુ મુશ્કેલ બની જાય છે.

     પણ મુશ્કેલ કામ હાથમાં લઇએ તો આપણી શબ્દ- પ્રીત વધે, એ ભાવ સાથે આ રમત રમવાનું આહ્ વાન કે આમંત્રણ આપ્યું હતું . 

#   અહીં વાંચો 

       અમૂક પ્રતિભાવ મળ્યા, અને પછી આ શોધ મેં સતત ચાલુ રાખી . આના પ્રતાપે નીચેના શબ્દો કે શબ્દરચનાઓ હાથવગી થઇ.

      રસિક જનોને ફરીથી આમંત્રણ - આ રમતમાં જોડાવાનું ,  અને આ ખજાનાને સમૃધ્ધ બનાવવાનું . કદાચ આમ કરવામાં હું જ આપ સૌને હાસ્યાસ્પદ કે હાસ્યજનક લાગીશ  !  
      પણ મને તો આ રમત રમવાની ઘણી મઝા આવી.  આપ સૌ પણ આ આનંદ માણો !