ગુજરાતી નેટ જગતની પહેલી કોન્ફરન્સ

    આજે તા.  2 ડીસેમ્બરના રોજ ગુજરાતી નેટ જગતની પહેલી આંતર રાષ્ટ્રીય કોન્ફરન્સ યોજાઇ હતી. તેનો વિગતે હેવાલ હ્યુસ્ટનથી વિજયભાઇ શાહ મોકલશે.

          આપ સૌને જાણીને આનંદ થશે કે, વિચાર વિમર્શ અને અમલીકરણની આ પ્રક્રિયા હવે ચાલુ જ રહેશે. આપણે આશા રાખીએ કે આ પ્રયત્નોના પરિણામે ગુજરાતી નેટ જગત અનેક ગણી પ્રગતિ કરશે અને વિશ્વ ગુર્જરીને ગૌરવાન્વિત કરશે. .

ગુજરાતી નેટ જગત - બીજી આવૃત્તિ - ફેરફાર અને સુધારા વધારા સાથે

અરે કાર્તિક! આ બ્લોગ શું ચીજ છે? “ – રમેશભાઇ ઘેર આવતાંની સાથે જ બોલ્યા.
”કેમ પપ્પા? “
“ આજે પાર્કમાં અમારી મંડળીના પેલા જીતુભાઇ વાતો કરતા હતા. કોમ્પ્યુટરમાં રોજ નવી વાર્તાઓ અને કવિતાઓ અને જોક અને એવું બધું તે તો વાંચે છે. તેમનો દીકરો છે ને રાકેશ; તેણે તેમને બધું શીખવાડ્યું છે. તું ય આ બધું મને શીખવાડ .” – રમેશભાઇ ઉત્સાહથી બોલ્યા.
                 છેવટે કાર્તિક અને રમેશભાઇ વચ્ચે શનિ રવિમાં આ જુની આંખે નવા તમાશા જોવાનો એગ્રીમેન્ટ થઇ ગયો. અને અઠવાડીયામાં તો રમેશભાઇ જ નહીં પણ કાર્તિકનાં મમ્મી પણ રોજ બ્લોગ વાંચવા લાગ્યા !ઘેર ઘેર હવે આવી વાતો થવા માંડી છે. એક નવી વાંચન ક્રાંતિ જન્મ લઇ ચૂકી છે.