આજ- રુચા જાની

ભુત અને ભવીશ્યના બે ખીલા પર,
લટકતી જીંદગીમાં હું મારી ‘આજ’ને શોધું છું.

ભુતકાળના ખીલા પર ટાંગ્યા છે આંસુઓ,
નીરાશાઓ, પરાજય અને પસ્તાવા વચ્ચે
બે ચાર ખુશી- તોરણ.

ભવીશ્ય પર છે રંગીન મેઘધનુશ્યો,
અગણીત મહેચ્છાઓ અને શેખચલ્લી-સપના,
અને વચ્ચે છુપાયેલો અણજાણ્યો ડર.

‘આજ’માં છે મીશ્રણ બન્નેનું
’આજ’માં છે સંઘર્શ.
‘આજ’ને સુક્ષ્મદર્શક કાચથી તપાસતાં તો
તે ‘ગઇકાલ‘ બની જાય છે.
કલ્પનાની સોનેરી ઉશામાં વીહરતાં ‘આજ’
‘આવતીકાલ’ બનીને ઉભી રહે છે.

તેથી જ ક્યારેક ‘આજ’
નીરસ અને નીર્જીવ લાગે છે.

‘આજની ઘડીમાં જીવો’ તેમ કહેવું તો સહેલું છે.
પણ ગઇકાલ, આજ અને આવતીકાલ
મળીને તો જીવનરેખા બને છે.

-  રુચા જાની

મારી દીકરીનો મારી વીચારધારા સાથેનો સંઘર્શ!  અને હમ્મેશની જીભાજોડી!
આ પણ ‘આજ’ છે !  કાલે હું પણ આમજ વીચારતો હતો !

“એ પણ મને ગમે છે, આ પણ મને ગમે છે.
કારણ નહીં જ આપું, કારણ મને ગમે છે. “

-  અમૃત ‘ઘાયલ’

વસંત- બે રચના

મુક્તપંચીકા 

જીવન તણો
થનગનાટ
આવી વસંતરાણી
કણકણમાં
જાગ્યો ઉન્માદ.

હાઇકુ

વસંત આવી
નુતન જીવનની
સોડમ લાવી.

પહેલી વાર ‘ સર્જન સહીયારું ’  પર તા. 29 એપ્રીલના રોજ પ્રકાશીત…

એક નીઃસંતાન માની વેદના- રશ્મી શાહ, Rashmi Shah

નાનકડાં, રુપકડાં બાળકોની દુનીયા જોવી છે,
મારે ખુદાના સર્જનની માયા જોવી છે.

ખુદા ખુદને જેમાં રમતો, રખડતો મુકે છે.
મારે એ બાળલીલાની છાયા જોવી છે.

બંધ પાંપણે સજાવેલ ભીની ઉર્મીને તાંતણે,
મારે પાંગરતાં પુશ્પની પ્રતીછાયા જોવી છે.

આયખું વીતી જશે પલકવારમાં જાણે…
મારે કહેવાતા એ સાગરની દયા જોવી છે.

-  રશ્મી સુનીલ શાહ

નવોદીતોને એક સૂચન

   ભાઇ શ્રી. દીપક પરમારની કવીતાઓને મળેલા આવકારથી મને બહુ જ આનંદ થયો છે. વધારે ને વધારે યુવાનો અને યુવતીઓ આ સવલતનો લાભ લેશે તો ગુજરાતી ભાશાની સારી  સેવા થશે.
    બીજી એક માહીતી આપવાની છે તે એ કે, ‘ઉર્મી’ અને હું દર શુક્રવારે એક નવો વીશય તેના બ્લોગ ‘ સર્જન સહીયારું’ પર મુકીએ છીએ, જેમાં સૌને ગુજરાતી સાહીત્યમાંથી, તે વીશય પર રચનાઓ ખોળી કાઢવાનું ( ખજાના શોધ) , અથવા પોતાની રચના બનાનીને આપવાનું (સર્જન ક્રીયા) ઇજન અપાય છે. આ એક જાતની કવીતા માટેની વર્કશોપ છે, અને સૌને માટે એક સરસ પીઠીકા પુરી પાડે છે. દર અઠવાડીયે 15 થી 20 વાચકો તેમાં ઉત્સાહ પુર્વક ભાગ લે છે.

    તમને બધાને આ સવલતનો પણ લાભ લેવા હાર્દીક આમંત્રણ છે.

   સર્જન સહીયારું    -       http://sarjansahiyaaru.wordpress.com/ 

     અત્યાર સુધીમાં આ સર્જનક્રીયા માટે ઘણા વીશયો મુકવામાં આવેલા છે તે માટે પણ તમે તમારી રચનાઓ કે શોધ આપી શકો છો .

તો ચાલશે? - દીપક પરમાર, Dipak Parmar

આ દોડધામમાં, આ ધક્કામુક્કીમાં,
એકાદ ક્ષણ થાક ખાઈને,
જો હું તને યાદ કરી લઉં, તો ચાલશે?

આ રાડારાડમાં, આ બુમબરાડામાં,
એકાદ મધુર પંક્તી ગાઈને,
જો હું તને યાદ કરી લઉં, તો ચાલશે?

આ સંજોગો સાથેના તાલમેલમાં,
એકાદ તાલે ઝુમીને,
જો હું તને યાદ કરી લઉં,તો ચાલશે?

આ ફૂલો સમી કોમળ યાદોમાં,
એકાદ પાંખડી તોડીને,
જો હું તને યાદ કરી લઉં, તો ચાલશે?

આ ભરઉંઘના સપનાઓમાં,
એકાદ પડખું ફરીને,
જો હું તને યાદ કરી લઉં, તો ચાલશે?

આ હરદમ ધબકતા દીલમાં,
એકાદ ધબકારો ચુકીને,
જો હું તને યાદ કરી લઉં, તો ચાલશે?

આ જીવનના અસીમ અંધારામાં,
એકાદ “દીપ” પ્રગટાવીને,
જો હું તને યાદ કરી લઉં, તો ચાલશે?

દીપક પરમાર “દીપ”

        દીપકની કવીતાઓ અહીં પ્રગટ કરતાં મને અત્યંત આનંદ થાય છે. 

        ભાઇ દીપક ! ચાલશે નહીં દોડશે! તારા જેવા તરવરીયા, નવયુવાનો પાસેથી અમે ઘૈડીયાઓ આ આશા રાખીને તો બેઠા છીએ. પણ  આ ‘તું’ ને માત્ર તારા પ્રણય-પાત્ર પુરતું જ મર્યાદીત ન રાખીશ.  જે કણકણમાં છુપાયેલો છે, જેના આધારે જ સજીવ અને નીર્જીવ સૌનું અસ્તીત્વ છે તે, આપણો પ્રીય સખા, પરમ-તત્વ જ આ ‘તું ‘ હો, એવી અભ્યર્થના.   

        ગુજરાતી ભાશાનું ભાવી તારા જેવાના હાથમાં છે. ‘મા ગુર્જરી’ ની આનાથી વધારે સારી સેવા શું હોઇ શકે? 

——————————————————————————————- 

         કોઇ પણ નવોદીત કવી અહીં પોતાની કવીતા પ્રગટ કરવા મને મોકલી શકે છે.

My email address -  sbjani2006@gmail.com

માત્ર નીચેની બાબતોનું ધ્યાન રાખશો : -

1. કવીતામાં કોઇ વ્યક્તીનું સ્વમાન ઘવાય તેવી અઘટીત ટીકા ન હોવી જોઇએ.
2. મારી દ્રશ્ટીએ જો લખાણ અરુચીકર હશે તો તે હું પ્રકાશીત નહીં કરું.
3. જોડણીની ભુલો સુધારવાનો મારો હક્ક રહેશે.
4. અહીં ઉંઝા જોડણી જ વાપરવામાં આવે છે. ( માત્ર દીર્ઘ ઈ અને હ્રસ્વ ઉ ). આ ઉપરાંત એક જ ‘શ’ વાપરવામાં આવશે.
5. રચનાઓ પર કોઇ ટીકા થાય તો તે માટેની જવાબદારી કવીની રહેશે.

યુવા કાવ્ય- સંગીત સમારોહ – ડલાસ - 2007

( ઉંઝા જોડણીમાં)

          તા. 21 મી એપ્રીલ – 2007 ના રોજ ક્રીસ્ટોફર પાર લાયબ્રેરી, પ્લેનો, ટેક્સાસ ખાતે યુવા કાવ્ય –સંગીત સમારોહ ઉજવાઇ ગયો. ડલાસ – ફોર્ટવર્થના ગુજરાતી કવીતાના રસીકજનોના સંગઠન ‘શોધ’ના ઉપક્રમે આ કાર્યક્રમ યોજાયો હતો. કાર્યક્રમનું સંચાલન શ્રી. નીશેન્દુ વસાવડાએ કર્યું હતું. નીચે દશાવેલ બાળકોએ તેમાં ભાગ લીધો હતો-

                 

અદીતી શાહ          અનુજ સોની
અમી શાહ              અવની સોની
કીશન સોની           ગોપીકા શાહ
જય જાની                ધ્રુવ પુરી
નીરાલી ઠાકોર       મોનીકા શાહ
રાધીકા શાહ           રીતુ ત્રીવેદી
રીતુ ભટ્ટ                  રોહન ભટ્ટ
રુશભ મહેતા            વીનય વલ્લભ
શાલીન મહેતા
———————-
કુલ – 17

         બાળકોએ ભજનો, ગીતો, વાદ્યસંગીત અને સ્વરચીત કવીતાઓ રજુ કર્યાં હતાં. શ્રીમતી સંગીતાબેન ધારીયાએ સુરીલા કંઠે પ્રાર્થના અને ગઝલ ગાયાં હતાં. શ્રી. રીઝવાન શેખ અને શ્રી. અતુલ શાહે શ્રી. હીમાંશુ ભટ્ટની એક ગઝલનું સ્વરાંકન કરેલી રચના કર્ણમધુર સંગીત સાથે પીરસી હતી. આ અહેવાલના લેખકે બાળકો માટેના એક વૃંદગાન ( ચાલોને નાચીએ ) નું પઠન કર્યું હતું, જે સૌએ ઉત્સાહપુર્વક ઝીલ્યું હતું. ભારતીય રાશ્ટ્રગીત જય જાનીએ કીબોર્ડ પર રજુ કર્યું, તેની સાથે આ કાર્યક્રમની સમાપ્તી થઇ હતી. દરેક બાળકને ‘શોધ’ તરફથી સ્મૃતીચીહ્ન રુપે કપ આપવામાં આવ્યો હતો.

          ‘ શોધ ‘ ના કામગરા મીત્રો આરતીબેન અને પ્રવીણભાઇ દેસાઇ, રુચા જાની અને તેના ભાઇ ઉમંગ જાની, વીનુભાઇ સોની, હીમાંશુ ભટ્ટ, નીશેન્દુ વસાવડા, સંગીતા ધારીઆ, અતુલ શાહ, રીઝવાન શેખ, વી. એ આ કાર્યક્રમ સફળતાપુર્વક પાર પાડવા માટે નોંધપાત્ર પ્રદાન કર્યું હતું.

             છેલ્લા બે વર્શથી વસંત રુતુમાં યોજાતો બાળકો/ યુવા માટેનો આ કાર્યક્રમ હવે ડલાસ/ ફોર્ટવર્થ ના ગુજરાતી સમાજ માટે એક અનીવાર્ય અને અવીભાજ્ય અંગ બની ગયો છે.

————————————————————————–

                  …..Jay Jani with his parents and award

Youth Poetry/ Music Celebration- Dallas- 2007

        On 21st April – 2007 a program of poetry and music for youth was organized at Christopher Parr Library, Plano, Texas. The program was held under the auspices of ‘ Shodh’ - a Gujarati poetry lovers’ group of Dallas/ Fortworth and nearby towns. The program was conducted by Shri Nishendu Vasavada. Following children participated in the program:-

Aditi Shah                 Ami Shah
Anuj Soni                   Avani Soni
Dhruv Puri                Gopika Shah
Jay Jani                      Kishan Soni
Monica Shah            Nirali Thakor
Radhika Shah          Ritu Trivedi
Ritu Bhatt                  Rohan Bhatt
Rushabh Mehta       Shalin Mehta
Vinay Vallabh
———————–
Total -17
            The children presented prayers, songs, instrumental music and poetry recitation. Mrs. Sangita Dharia sung a prayer and a gajhal in her melodious voice. Mr. Rizwan Shaikh and Mr. Atul Shah presented a gajhal written by Mr. Himanshu Bhatt with melodious music. The writer of this report recited a chorus song (  Let us dance  ) for kids, in which the audience also participated heartily. The program ended with Indian National Anthem presented by Jay Jai on Keyboard. Each child was awarded a cup in memory of participation.
            The untiring members of ‘Shodh’ - Arti and Pravin Desai, Rucha Jani and her brother Umang Jani, Vinubhai Soni, Himanshu Bhatt, Nishendu Vasavada, Sangita Dharia, Atul Shah, Rizwan Shailkh etc. exerted a lot to make this program successful.
           This program for kids held in spring since last two years has become an unavoidable and integral part for the Gujarati community of Dallas/ Fortworth and nearby towns.

ખબર પડે,દીપક પરમાર

ના પુછો મુજને, દુઃખ શુ છે?,
સુખ જો મળે મુજને,તો ખબર પડે,

ના પુછો મુજને,શાંતી શુ છે?,
કબ્ર જો મળે મુજને,તો ખબર પડે,

ના પુછો મુજને,નફરત શુ છે?,
પ્રેમ જો મળે મુજને,તો ખબર પડે,

ના પુછો મુજને,મંજીલ શુ છે?,
તુ! જો મળે મુજને,તો ખબર પડે,

ના પુછો મુજને,”દીપ” કોણ છે?,
પ્રગટાવજો કોઇ મુજને,તો ખબર પડે,

દીપક પરમાર “દીપ”

અનેરી મઝા - ગૌતમ ધોલેરીયા, Gautam Dholeria

દુઃખમાં રડી લેવાની પણ મઝા અનેરી હોય છે,
હારેલી જીંદગી જીવવાની પણ મઝા અનેરી હોય છે.
કીનારા પર વહાણ હંકારનારાઓ તમને શું ખબર,
તૂફાન માં કશ્તી ગુમાવવાની પણ મઝા અનેરી હોય છે.

તમામ ઉમર જેને પામવાની તડપ હોય પરંતુ,
તેને મેળવીને ગુમાવાની પણ મઝા અનેરી હોય છે.
બે હાથ વડે ઝીંદગી ઉલેચનારાઓ એટલું પણ જાણો કે,
છેલ્લા શ્વાસે હથેળી ખાલી જોવાની પણ મઝા અનેરી હોય છે.

એક વાટ પકડી ને ચાલનારાઓ મંઝીલ જરુર પામે છે,
કીન્તુ માર્ગ માં ભટકી જવાની પણ મઝા અનેરી હોય છે.
દુનીયા જીતનારા ઘણાં સીકંદરો ભૂલાઈ ગયાં ,
એક-બે ના દીલ જીતી ચાલી જવાની પણ મઝા અનેરી હોય છે.

- ગૌતમ ધોલેરીયા ( અમદાવાદ )

ચાલોને નાચીએ, Let us dance

એક બાળકાવ્ય …  

—————————————–

ચાલોને નાચીએ ફરી ફરી.

ડાંડીયાની સાથે ફરી ફરી.
કુરતાની સાથે ફરી ફરી.
પા’જામાની સાથે ફરી ફરી…..ચાલોને નાચીએ ફરી ફરી.

ઓઢણીની સાથે ફરી ફરી.
ચણીયાની સાથે ફરી ફરી.
ચોળીની સાથે ફરી ફરી….ચાલોને નાચીએ ફરી ફરી.

ગરબામાં નાચીએ ફરી ફરી
રાસડામાં નાચીએ ફરી ફરી.
નાટકમાં  નાચીએ ફરી ફરી…… ચાલોને નાચીએ ફરી ફરી.

ઘરમાં નાચીએ ફરી ફરી.
શાળામાં નાચીએ ફરી ફરી.
મંદીરમાં નાચીએ ફરી ફરી……  ચાલોને નાચીએ ફરી ફરી.

આજે નાચીએ ફરી ફરી.
કાલે નાચીએ ફરી ફરી.
હમ્મેશ નાચીએ ફરી ફરી……. ચાલોને નાચીએ ફરી ફરી.

આનંદે નાચીએ ફરી ફરી.
ચૈતન્યે નાચીએ ફરી ફરી.
સત્ય કાજ નાચીએ ફરી ફરી……  ચાલોને નાચીએ ફરી ફરી.

પરમ કાજ નાચીએ ફરી ફરી.
ૐ માટે નાચીએ ફરી ફરી
આપણ સૌ નાચીએ ફરી ફરી …..  ચાલોને નાચીએ ફરી ફરી.

——————————————————————–

Let us dance, Let us dance, Let us dance.

With Dandiya Let us dance.
With Kurta Let us dance.
With Pajama Let us dance…..  Let us dance…

With Odhani Let us dance.
With Chaniya Let us dance.
With Choli Let us dance… Let us dance,,,,

In Garaba Let us dance.
In Raas Let us dance.
In Natak Let us dance….Let us dance….

At home Let us dance.
At school Let us dance.
At temple Let us dance…..Let us dance.

Today let us dance,
Tomorrow let us dance.
Foe ever let us dance……Let us dance.  

For Anand Let us dance.
For Chaitanya Let us dance.
For Satya Let us dance….. Let us dance.

For Param Let us dance.
For Om Let us dance
For all let us dance ….. Let us dance

બે ત્રીપદીઓ

વસંતતીલકા 
( જાણો વસંતતીલકા ત ભ જા જ ગા ગા )

ત્રણ જીવન અવસ્થાઓ
———————–—————–
જન્મ્યા અને રમતમાં બહુ મોજ લીધી.
ઝુઝ્યા રણે જગતમાં સહુ ભોગ ભોગ્યા.
ઘરડા થયા મરણની બહુ વાટ કીધી.

ત્રણ ગુણ
———–————————–
સંતો વદે વચન પ્રેરક ગાન ગાતા.
રાજા હણે શપથથી સહુ દુર્જનોને.
દૈત્યો દમે કપટથી કદી ના ધરાતા.

તા. 16 એપ્રીલ - 2007 ના રોજ પ્રથમ વાર ‘ સર્જન સહીયારું ‘ પ્રકાશીત