અમરફળ જોઈએ – સુનીલ શાહ

કોણે કીધું સોનેરી પાંખ જોઈએ?
ઉડવા માટે બસ ઈરાદો જોઈએ.

બીંબ–પ્રતીબીંબના આ જગતમાં,
જીવનને નીરખવા નયન જોઈએ.

પોંખીએ તીમીરના ય આગમનને,
સંધ્યાટાણે એકમેકનો સાથ જોઈએ.

છો ને, સરી જતો સમયનો પાલવ,
જીવનને સમેટવા એક પળ જોઈએ.

ગમન–આગમન તો વીધીના ખેલ,
શાશ્વત થવા અમરફળ જોઈએ.

– સુનીલ શાહ

છેલ્લી કડીમાં અમરફળની જગ્યાએ  સત્કર્મ મુકીએ તો કેવું? કે પછી સત્કર્મ જ તે અમરફળ?

પહેલી કડી પરથી મારા એક મુસ્લીમ મીત્રે કહેલો અને મને બહુ જ ગમતો શેર ટાંકવાની લાલચ જતી નથી કરી શકતો.

जो बात दीलसे नीकलती है, असर रखती है ।
पर नहीं, ताकते- परवाझ मगर रखती है ।

પર =  પાંખ
તાકતે પરવાઝ = પક્ષીની તાકાત

આજનું ચાંદરણું - રતીલાલ ‘અનીલ’

માણસ ચાલતો નથી,

પરીસ્થીતી ધકેલે છે.