આજનું ચાંદરણું - રતીલાલ ‘અનીલ’

કેટલાક સંબંધો કાચ જેવા હોવાથી તુટે છે.

નથી કરવાનો – સુનીલ શાહ

કહી દો આ સૌ પારેવાંને,
હવે ચણ નથી નાખવાનો.

કુણી લાગણીઓની અંદર
ટપકતાં આંસુ નથી લુછવાનો.

કાચીંડા સમ આ જીવનમાં,
હવે રંગબાજી નથી કરવાનો

ને સંવેદનાની બુઠઠી કીનારને
હવે ધારદાર નથી ઘસવાનો.

તોરણો ભલે બંધાયા માંડવે
યાદોને વીદાય નથી આપવાનો.

ને પીંડ ભલે બંધાય ગઝલનો
શબ્દોને રમત નથી રમાડવાનો.

– સુનીલ શાહ

         સુનીલભાઇએ બહુ ઉદારતાપુર્વક અમારી નવી મૈત્રીના નાતે, મને તેમની રચનાઓ મારા સંઘેડા પર ચઢાવવા માટે ‘પાવર ઓફ એટર્ની’  આપ્યો છે (!) , તેના સહારે નીચેનો સંઘેડા-ઉતાર કર્યો છે તે પણ વાંચશો !

કહી દો આ સૌ પારેવાંને
ચણ કોઇ ધરશું નહીં.

કુણી લાગણીઓની ભીતર,
ટપક અશ્રુ લુછશું નહીં.

કાચીંડા સમ આ જીવનમાં,
રંગ અમે સજશું નહીં.

સંવેદનની બુઠ્ઠી ધારને,
સારણ પર ઘસશું નહીં.

અશોક પર્ણ બંધાય માંડવે,
તવ યાદને તજશું નહીં.

ગઝલ પીંડ બંધાય માંડવે,
શબ્દ રમત રમશું નહીં.

       આ એક વીચાર વીમર્શ અને રચનાત્મકતાની પીઠીકા છે, આથી નવોદીતોને વીનંતી કે મારી આવી બાળ-હરકતો સુનીલભાઇની જેમ ઉદાર મને સાંખી લે

નવી જોડણીની જેમ ……

22 - મે - વ્યક્તીવીશેષ

રમણલાલ જોશી નો જન્મદીન  - 1926 ; હીરપુરા જી. મહેસાણા   

• જીવનઝાંખી

ત્રીભુવન ગૌરીશંકર વ્યાસ નો જન્મદીન  - 1888 ; સેંજળ વી. ભાવનગર  

• “ઘોર અતીવંકી ધરતી ને વંકા પથરાયા બહુ પ્હાડ
  વીકટ અને વંકા પગરસ્તા, ગીચ ખીચોખીચ જામ્યાં ઝાડ.”
• ‘કાન્ત’ ના સમકાલીન કવી  

_______________________________________________