સંબંધોના સથવારે મળતા રહીશું.
એકમેકના પ્રેમમાં ઓગળતા રહીશું.
ને સજાવી વસંતોની એ યાદોને.
છેવટે પાનખરમાં નીખરતાં રહીશું.
આમ તો વસીએ ભુમી પર પણ,
નભના તારા સમ ખરતા રહીશું.
નથી આમતો હું ચાંદનીનું તેજ,
પણ અમાસમાંય મળતા રહીશું.
ખેલ નીત નવા દેખી આ જગતના,
સાપસીડીમાં સદાય લપસતાં રહીશું.
ઉગે સુર્ય આથમણે કદીક જો,
તો ગગનમંડળે સદા ચમકતા રહીશું.
- સુનીલ શાહ
શ્રી. જુગલકીશોર વ્યાસનો આભાર, મુળ રચનાને મઠારી આપવા માટે.
આને હું જોઇન્ટ સેક્ટરની કવીતા કહીશ !
