આજનું ચાંદરણું - રતીલાલ ‘અનીલ’

ગામની સવાર મરઘો પાડે

તો મરઘાની સવાર મોગલ પાડે.

કાં? - શાંગ્રીલા પંડ્યા

ઘણીવાર મનમાં મને એમ થાતું ,
મળેલું સરે છે સતત હાથથી કાં ?

રહ્યો શોધતો રાહ એ સર્વ કાળે,
મુસાફર જવાંમર્દ અટકી ગયો કાં ?

મધુકર મલપતો મધુ રસ પીવાને
મહીં ફુલની એ બીડાતો રહ્યો કાં ?

રણે દોડતાં એ પાગલ હરણ સૌ
જળો ઝાંઝવા જોઇ ભરમાય છે કાં ?

ભટકતો ફરે માનવી સુખની શોધે,
આ ભારા દુખોના એ વેઢારતો કાં?

સીતારો સજી રેલવા સો સુરોને.
તુટ્યા તાર દીલના અરે! માનવી કાં ?

-  શાંગ્રીલા પંડ્યા