આજનું ચાંદરણું - રતીલાલ ‘અનીલ’

ખાલી થયાની અનુભુતી
ચાહના કપને ગરમ રાખે,
માણસને નહીં.

18 - જુન - વ્યક્તીવીશેષ

પરમાનંદ કાપડીયા  નો જન્મદીન -  1893

_________________________________________________

હતી - સુનીલ શાહ

જીવનના  સુર્યાસ્તની સલામી હતી.
નામી છતાં કોઈની એ અનામી હતી.

ને સંસારની માયાથી મુક્ત થઈ.
જીવનની અંતીમ દીશા પામી હતી.

જીવનના લેખાં–જોખાં કરનારા  એ
અમસ્તા માણસોની ભીડ જામી હતી.

ચમકતાં આંસુઓની ભીતર જોતાં
પોતીકી સંવેદનાઓની ખામી હતી.

હોય પ્રસંગ પોતાનો ને છતાં જયાં
ખુદની હયાતી સાવ નકામી હતી.

-   સુનીલ શાહ

કોઇ ખાસ છંદ નહીં પણ દરેક પંક્તીમાં અહીં કવીએ 13 અક્ષર જાળવવા પોતાની રીતે સભાન પ્રયત્ન કર્યો છે.
છેલ્લી કડીમાં એક જાણીતા શાયર ની રચનાની સ્પષ્ટ છાયા છે.