તોડજે તું મૌનને - સુનીલ શાહ
Posted by સુરેશ on September 10, 2007
ગાલગાગા \ ગાલગાગા \ ગાલગા
——————————————————-
તોડજે તું મૌનને તડપ્યા વગર,
જીંદગી જાશે પછી વરસ્યા વગર.
કાગળોમાં ગોઠવી અક્ષર નવા
આખરે તું ભુંસજે અટક્યા વગર.
માણજે ફુલને સહારે જીંદગી
પાંદડે ને પાંદડે જીવ્યા વગર.
આંગળીએ લખ વસીયત તો નવી
કાળને તું ઢાળજે સરક્યા વગર.
છોડજે ગત કે અનાગતની કથા
આજને તું માણજે તરસ્યા વગર.
- સુનીલ શાહ
Posted in ગઝલ, સુનીલ શાહ | 6 Comments »
