ફરી જાઉં છું - સુનીલ શાહ
Posted by સુરેશ on November 9, 2007
છંદ - મુત્કારીબ ૧૮
છંદ વીધાન - લગાગા લગાગા લગાગા લગા
રાગ - સુહાના સફર ઔર યે મોસમ હસીં
————————————
ઉઠું છું, ને ત્યાં તો, ઢળી જાઉં છું,
જમાનો કહે છે, ખરી જાઉં છું.
નડે છે, તણખલું મને તો હવે,
ખરે પાન, ને હું મરી જાઉં છું.
ઝીલું છું, વરસતા એ બુંદો હજી,
છતાં, કોણ જાણે , બળી જાઉં છું.
અધુરપ સમયની નડી છે મને,
ગણું છું ક્ષણો, ને ડરી જાઉં છું.
ને પડકાર ઝીલી લઉં છું હવે,
ભલે કોઈ બોલે, ફરી જાઉં છું.
- સુનીલ શાહ
અહીં જીવનની ક્ષણભંગુરતાનું દર્શન અને સંવેદનશીલતાની વ્યથા સુનીલભાઈ અહીં બહુ કલાત્મક અને સચોટ રીતે કહી જાય છે. અને છતાં પણ, અંતીમ શેરમાં આ પડકારો ઝીલવાની અને ફરીથી એ સંગ્રામમાં ઝઝુમવાની ખુમારી સરસ રીતે અભીવ્યક્તી પામી છે.
Posted in ગઝલ, સુનીલ શાહ | 3 Comments »
