Posted by સુરેશ on March 31, 2008
હેલે ચઢી તમારી યાદ
સરોવરનાં નીર હેલે ચઢ્યાં ને ,
હેલે ચઢી તમારી યાદ
ઝરમર ઝરમર ઝીલ્યા મેહુલાને,
મનમાં ટહુક્યા તમારા સાદ
સાજન મારા, આજ હેલે ચઢી તમારી યાદ.
કલબલ કલબલ શોરમાં ઝુલ્યા અમે
લઈ દીલડામાં વાસંતી ફાગ
રણક્યા તાલે મધુરા ઝાંઝર ને,
ઉરે છેડ્યા બંસરીના વ્હાલ
સાજન મારા, આજ હેલે ચઢી તમારી યાદ
ચાંદલીયાના પાલવડે શરમાયા તારલીયા
ને તનમનમાં તરવરીયા તોફાન
સજી શણગાર હું ઝાંખું ઝરુખાએ
ટમટમે દીવડાઓ ચારે રે દ્વાર
કે સાજન મારા, આજ હેલે ચઢી તમારી યાદ
રંગીલી રંગોળીથી શોભે આંગણીયાં ને,
મલકે મુખલડે મધુરી આશ
ગાશું રે ગીત હીંચીહીંચી ને
આભલે ઉડાડશું આજે ઉજાશ
કે સાજન મારા,આજ હેલે ચઢી તમારી યાદ.
- રમેશ પટેલ(આકાશદીપ)
Posted in ગીત, રમેશ પટેલ | 2 Comments »
Posted by સુરેશ on March 30, 2008
ગુફા મધ્યે નીરખી રહ્યો, સૌમ્ય મુર્તી બુધ્ધની
આડે પડખે જમણે અંગે, પરમ શાન્તી પમાડતી.
પંદરસો વર્શ પુર્વે, હશે કેવી આ ધન્ય ઘડી
વધાવે જન્મ વૈશાખી પુનમ,મહામયી! તું ભાવ ધરી.
ચાંદની ખુદ શાતા ઝીલે,પ્રક્રુતી દીસે સુખદાયીની
પુર્ણ રુપે વૈશાખી ખીલી, પુર્ણ સંગ બ્રહ્માંડે રમી.
ત્યાગી ગૃહ તપી ભમી, પુનીત પીપળે આંખો ઢળી
શીતલ વાયુ સુગંધ ઢોળે,પ્રસન્ન ફરી પુનમ વૈશાખની.
અનંત સુખ રમે મુખે, અનંતો દર્શનના સત્યો લાધી
અનેરી ત્રુપ્તી,વનકન્યા સુજાતા,ધરે ખીર ભાવે હસી.
સંઘ વીહારથી ઉઠી લહર , બુધ્ધત્વના પંથે દોરે જગત
અહીંસા પ્રેમથી રંગો જીવન, શીલ્પી કોતરે અમ્રુત વચન.
કુશીનારાનો ચંદ લુહાર, ધરે અંતીમ ભીક્ષા ભગવંતને
ધન્ય વૈશાખી પુનમ, એંશી વર્શ, દેવે દીધાં સુખ જગતને.
સુણો અંતીમ બોધ, ”આત્મ દીપ થાવ” બોલી મીંચ્યા નયન
વરતે જગે આણ ચક્રવર્તી, ‘આકાશદીપ’ ભાવે વંદે ચરણ.
ગાઉ મહીમા કોનો વધારે, વંદનીય વૈશાખી પુનમ
ના વીસરશું તારા ભાવ દર્શન શીલ્પી, કંડાર્યા પ્રભુનાં શયન
- રમેશ પટેલ(આકાશદીપ)
Posted in ગીત, રમેશ પટેલ | 5 Comments »
Posted by સુરેશ on March 29, 2008
હરીન્દ્ર દવે ની પુણ્યતીથી - 1995 ; મુંબાઇ
ઝુબીન મહેતા નો જન્મદીન - 1936 ; મુંબાઇ
- ‘ન્યુયોર્ક ફીલહાર્મોનીક’ સાથે સંકળાયેલા જાણીતા પાશ્યાત્ય સંગીતના કલાકાર
_______________________________________________
જો તમારે કોઇ કોમેન્ટ આપવી હોય તો જે લીન્કો આપી છે તે સાઇટ કે બ્લોગ પર આપશો.
Posted in કેલેન્ડર | No Comments »
Posted by સુરેશ on March 28, 2008
પરમ પ્રેમ પ્રગટ્યો પાતાળથી
પ્રભુ દરબારે પુશ્પે પમરાવી સુગંધ
ચાંદનીએ વરસાવ્યા વહાલ ગગનથી
ને શાન્ત સાગરે ઘુઘવ્યા ઉમંગગાયે કોમળ કુંપળો રે, ગીત
જુઓ મારા પગલે પધારે વસંત
શર્મીલા કોડે રુમઝુમે કળી
સંકોરવા રંગભર્યા ઉરે સંદેશ.
પંખીઓની વ્યોમે હાલી વણઝાર
ભરતી કુદરતના ખોળે સંગીત
ઉતર્યા સુંદર સરોવરને તીર
સારસ સારસી શીખવે અનોખી રે, પ્રીત
કોયલનો ગુંજે ટહુકો વનરાવને
ફાગણના ફાગે ડોલ્યાં રે, મન
પ્રેમ રસે ઝબોળ્યા ઝુરતા અંતર
ને પ્રેમપાશે હીંચોળે મદમાતો પવન
- રમેશ પટેલ (આકાશદીપ)
Posted in ગીત, રમેશ પટેલ | 2 Comments »
Posted by સુરેશ on March 26, 2008
દલપતરામ ની પુણ્યતીથી - 1898 ; અમદાવાદ
- સાંભળી શીયાળ બોલ્યો, દાખે ‘દલપતરામ’.
અન્યનું તો એક વાંકું આપના અઢાર છે.”
- જીવનઝાંખી
ચન્દ્રકાન્ત બક્ષી ની પુણ્યતીથી - 2006 ; અમદાવાદ
અંબાલાલ સાકરલાલ દેસાઇ નો જન્મદીન - 1844 ; અમદાવાદ
- પહેલા અંગ્રેજી - ગુજરાતી શબ્દકોષના સર્જક
- જીવનઝાંખી
_______________________________________________
જો તમારે કોઇ કોમેન્ટ આપવી હોય તો જે લીન્કો આપી છે તે સાઇટ કે બ્લોગ પર આપશો.
Posted in કેલેન્ડર | 1 Comment »
Posted by સુરેશ on March 26, 2008
જન્મશંકર બુચ - ‘લલીત’ ની પુણ્યતીથી - 1947
_______________________________________________
જો તમારે કોઇ કોમેન્ટ આપવી હોય તો જે લીન્કો આપી છે તે સાઇટ કે બ્લોગ પર આપશો.
Posted in કેલેન્ડર | No Comments »
Posted by સુરેશ on March 22, 2008
સુન્દરમ્ ( ત્રિભુવનદાસ લુહાર ) નો જન્મદિન - 1908, મિયાંમાતર , જિ. ભરૂચ
- વાળી ઝૂડી મેં મંદિર સાફ કર્યા, બારી- બારણે તોરણ ફૂલ ભર્યા.
મીટ માંડી હું આંગણિયે, લળી તારા ચિત્ત લહું .” - વિરાટની પગલી
- જીવનઝાંખી
રામપ્રસાદ બક્ષી ની પૂણ્યતિથી - 1989
_______________________________________________
જો તમારે કોઇ કોમેન્ટ આપવી હોય તો જે લીન્કો આપી છે તે સાઇટ કે બ્લોગ પર આપશો.
Posted in કેલેન્ડર | No Comments »
Posted by સુરેશ on March 21, 2008
આજ
ધુળની જેમ
ઉડી રહી રંગની છોળો
એકલવાયા
મારા મનને
શીદ આવી ઢંઢોળો ?
રંગ ઘોળ્યો, દીલડું ડહોળી
ભરી પીચકારી એમાં બોળી.
પણ-
રમવી કોની સંગમાં હોળી ?
આજ તો,
મારેય છે રંગા’વું,
પીચકારીએ છે છંટા’વું
સંગે રમી
રંગે રમી
દીલડું મારેય છે બહેલા’વું !
ઉરના કો એકાંતે
આવી ‘એ’ લઈ પીચકારી
રંગી દીઘો
ભીંજવી દીઘો
મને એના કસુંબલ રંગથી !
ત્યારથી-
એ રંગરાગમાં
એની સંગમાં
આજ લગી રંગાયેલ છું !!
- ચીમન પટેલ ‘ચમન’
Posted in અછાંદસ, ચીમન પટેલ ‘ચમન’ | 5 Comments »
Posted by સુરેશ on March 20, 2008
વિશ્વનાથ ભટ્ટ નો જન્મદિન - 1898 , ઉમરાળા
_______________________________________________
જો તમારે કોઇ કોમેન્ટ આપવી હોય તો જે લીન્કો આપી છે તે સાઇટ કે બ્લોગ પર આપશો.
Posted in કેલેન્ડર | No Comments »
Posted by સુરેશ on March 18, 2008
નીહાળી ઉપવને પાનખરમાં વ્રુક્ષોની દશા પામું વ્યથા
વદે વ્રુક્ષ દેવતા,તપસ્યાના ફળ મળે ધીરજથી ભલા.
સમયના વહેણ તો વહેશે સદા નીજ રંગમાં
નીરખો તમે મલકી રહી કેવી કુંપળો રાગમાં.
મલકતી તામ્રવર્ણી પાંદડીઓ ફરફરી કહી રહી મને,
દાતા તો દીધ્યા કરશે , તું ખુદ થા સાબદા.
આવતા સપ્તાહે અમે નીમંત્ર્યા છે વનમીત્રોને,
છાબડીઓ છલકતા રંગો થકી જોજો વધામણી વસંતની
ખીલી સ્રુશ્ટી સુમન થકી દેતી સંદેશ મ્હેંકાવતી,
દેખ કૌવત કેવી પલટાવી પાનખરને અમે વસંતમાં.
ભાગ્યશાળી છો તરુઓ તમે પૃથ્વીરજ સમ મીત્રથી
સીંચે અમી તુજને રળવા સરપાવ સદા વસંતના
‘આકાશદીપ’ વદે વાહ કુદરત! તારા કરીશ્મા છે
અકળ સખા દેજે સર્વને , આ ગુણીઅલ ધુળ સમા.
- રમેશ પટેલ (આકાશદીપ)
Posted in ગીત, રમેશ પટેલ | 4 Comments »
