આભ જેવું ઊંચેરું કોઈ ના મળ્યું
મન જેવું  ઊંડેરું કોઈ ના જડ્યું
 
પુષ્પ જેવું રુપાળું કોઈ ના મળ્યું
હાસ્ય જેવું મધુરું કોઈ ના જડ્યું
 
વૃક્ષ જેવા દાતા કોઈ  ના  મળ્યા
પંચેન્દ્રીય જેવું રત્ન કોઈ ના જડ્યું
 
જળ જેવું ઝીલનારું કોઈ ના મળ્યું
માત જેવું  મોંઘેરું કોઈ ના  જડ્યું
 
પવન જેવું પાતળું કોઈ ના મળ્યું
પ્રેમ જેવું સુંવાળું કોઈ  ના  જડ્યું
 
કૂંપળો  જેવું નાજુક કોઈ  ના મળ્યું
દરિયા જેવું દિલદાર કોઈ ના જડ્યું
 
જ્યાં જુઓ ત્યાં મળ્યો પણ ના મળ્યો
સત્ય જેવું  જગે સુંદર કોઈ ના જડ્યું
 
- રમેશ પટેલ(આકાશદીપ)