જશો ના દૂર વ્હાલમજી -જિજ્ઞાસા વિહંગ જાની
Posted by સુરેશ on February 18, 2007
જશો ના દૂર વ્હાલમજી, વિરહ સહેવો પડે છે.
દરેક વાત યાદ કરાવવા ફોન કરવો પડે છે.
જશો ના દૂર વ્હાલમજી, એકલું જમવું પડે છે,
બીજું તો ઠીક પણ, એકલા તાંસળું ઘસવું પડે છે.
જશો ના દૂર વ્હાલમજી, સફરનો થાક સ્હેવાનો,
સહુની ભેટ સોગાદોનો હવે ભાર લાગવાનો.
જશો ના દૂર વ્હાલમજી, દિલથી કહું છું વ્હેલા આવજો,
ચણિયા ચોળી, અથાણાં પાપડ ને મઠીયા જરુરથી લાવજો.
- જિજ્ઞાસા વિહંગ જાની
16 નવેમ્બર -2006
પતિ પરદેશ ગયો હોય અને તે ય માદરે વતન ભારતમાં; ત્યારે અમેરિકન ભારતીય ગૃહિણીની વ્યથાને જિજ્ઞાસાએ અહીં હળવી અભિવ્યક્તિ આપી છે.
Posted in જીજ્ઞાસા જાની | 13 Comments »
